27 мартыште марий поэт, прозаик, литературовед, критик.

#Марисолинская_библиотека@bibl_sernur27 мартыште марий поэт, прозаик, литературовед, критик, методист да педагог Шабдаров Иосиф Архиповичын шочмыжлан 125 ий темеш.

Шабдар Осып Шернур районысо Изи Лужалу ялеш йорло кресаньык ешеш шочын, ныл ияш тулыкеш кодын, йоча жапше йöсын эртен. «Мыйым, - шарна Иосиф Архипович, - ончен куштышо нигöат лийын огыл. Ты жапыште авам пÿртÿПоказать ещёс лийын: кеҥежым олыкышто, пасушто, чашкерлаште вуй орам дене тÿрлö мурым, южгунам шке гыч шонен лукмым мурен коштам ыле, пошкудо кугызан, ачамын йомакыштым колышташ моткоч йöратенам».

Шабдар Осып йорло ешыште илен кушкын гынат, моткочак тунемашак тыршен.

Шернур педтехникумым тунем пытармеке, 1923 ий гыч Кужэҥерысе 2-шо ступенян школышто пашам ыштен, руш литературым туныктен. Кок ий эртымек тудым школ вуйлатышылан шогалтеныт. Тале, шотан вуйлатыше, у илышым чоҥымаште школын эре ончыл верыште лийшашлыкше нерген шонен да пашам чот ыштен.

Иосиф Архипович Шабдарын ойпогыжо ойыраш лийдымын туныктымо пашаж дене кылдалтын. Тудо виян туныктышо лийын, йоча уш-акылым, школ илышым келгын пален шоген.

Шабдар Осып сылнымут корныжым поэт семын тÿҥалын, Шернурышто тунеммыж годым да варажымат почеламут ден муро-влакым возен шоген. Тиде пашаште тудым эн ончычак революций саман, шемер калыкын у, йоҥгыдо илышыш лекташ тÿҥалмыже кумылаҥден шогеныт.

Марисола книгагудышто марий писатель,просветитель Шабдар Осыплан 125 ий темме лӱмеш "Куатле талантан писатель" сылнымут кас эртыш. Тудын илыш корныжо да творчествыже дене палдарышна,почеламут-влакшым лудна. Ш. Осыпын «Марий кундем почмылан» моктеммурыжым колыштна.

Ермакова З.В. "Шабдар Осыпым лудмеке" почеламутшым лудо.

Шабдар Осыпын паша лектышше марий литератур фондышто кӱкшыл верым налын шога. Шуко произведенийже-влак руш йылмыш, венгр, татар, чуваш да моло йылмышкат кусаралтыныт.