Марий литературын классикше Шабдар Осыпын (Иосиф Архипович Шабдаров) шочмыжлан-125 ий.

#Мустаевская_библиотека@bibl_sernurМарий литературын классикше Шабдар Осыпын (Иосиф Архипович Шабдаров) шочмыжлан-125 ий.

Уста писатель, поэт, туныктышо, литературовед, 27 март 1898 ий, Шернур район Изи Лужалу ялысе йорло кресаньык ешеш шочын. Шабдар йорло ешыште илен кушкын гынат, моткочак тунемашак тыршен. Кумда илыш корныш лектын, калыкнан ик эн уста да талантан енже лийын. Тудын творчествыже тÿрло шöПоказать ещёрынан, келге шонымашан да тачысе илышланат келшен толшо.

Шабдар Осыпын лÿмгечыжлан пöлеклалтше «Пагален шарнен илена» вуймутан кугу мероприятий Мустай школышто эртаралте (школ тудын лÿмжым нумалеш). Мÿндыр вер гыч толшо уна-влакым шочмо ялыштыже, Мустай культура пöртын «Тулвий» да Чылдемыр клубын «Олык марий» ансамбль-влак мур сем дене вашлийыч. Писательын Чап кÿ пелен вунам савен, поро шомак дене шарналтен, пеледыш аршашым пыштышна.

Пайремыш толшо уна-влаклан Мустай школын туныктышо коллектив ден тунемше-влак моткоч сай программым ончыктышт. Сценыште сылнын марла мурым «Шымавий» ансамбль йонгалтарыш, «Кориш» повесть гыч ужашым, мастарлыкше дене Макаров Максим куандарыш. Ойыртемалтыч моторын марла почеламут лудмо дене, а лывырге кап-кыл дене куштымашым чыланат куанен ончышна. Видео презентаций полшымо дене Шабдар Осыпын илыш корныжым да 100 ияш юбилей годсо «Удырамаш корно» роман гыч Семык пайрем ужашым порын шарналтышна.

Мероприятий чыланыштлан пайрем шÿлышым пуртен, да весела кумылым нöлтен. Кумдан палыме писатель землякна дене умбакыжат кугешен да порын шарнен илаш тÿналына.