#Чендемеровская_библиотека@bibl_sernur

#Чендемеровская_библиотека@bibl_sernur#слюбовью_кродному_краю
В 2023 году продолжим нашу рубрику "С любовью к родному краю". Может кто - то из вас хочет поделиться своими творческими работами, своим самым сокровенным на страницах нашего сообщества, можете присылать или принести в библиотеку. С большим удовольствием будем знакомить наших пользователей.
Сегодня предлагаю работу нашего читателя о своей деревне. БольПоказать ещё души сквозит в каждой фразе, в каждом слове.

Шонкалымаш…
Ялем пыта. Пуста пӧрт-влак шем окнашт дене уремым ончышын койын шинчат. Ял мучко илыше суртшо пеш шагал. Кенежым йырваш шудо, шудо, шудо – чыла вере: уремыште, пакчаште, коремыште. Ял уремыште ошкыл каяшат тылеч вара огеш лий чай. А телым –лум, уремыште пий кышажат уке. Коден каеныт шочмо ялыштым, суртыштым, йоча годым модмо, ўдыр-каче годым погынымо верыштым. Йӧсӧ чыла тидым ужаш, но мом ыштет, вашталтен от керт: шинчат да шортат – чонет луштарет. Илыш тыгай: паша уке, магазиным петыреныт, школ ден медпункт тораште.
Коден кайыме пӧрт-влакше шўкшў пу пӧрт огытыл вет, калтак! Чыла кермыч гыч нӧлтымӧ чапле пӧрт-влак. Лиеш ыле гын тракторыш пыжыктен Шернурын иктаж лукышкыжо, але Йўшто Памаш курык вуйыш нангаен шындат ыле, но огеш лий.
Мемнан мучашыште илыше енжат Семон кува эргыже дене да Гельман Юрик веле кодыныт, а ыле вет ала-кунам индеш сурт. Гельманыч ял мучаште пу пӧртыштє ила. «Пӧртем сўмырла манын ом ойгыро,- ойла ,- ялыште яра шинчыше кў пӧрт-влак шукын улыт. Нуным ончен - арален шогымемлан иктаж вере илаш пуртат». Чынак, яра пӧрт-влакын оролжо пашажым сайын шукта. Теве ваштарешак Демьян Васлин, Венюн Римажын пӧртышт тулыкын койын шинчат. Иктыже тораште ила, весыже суртшым коден ўдыржо деке илаш каен. Воктенышт Данил Йыванын пу портшо сўмырлен шуын: тиде еш шукертак шаланен пытен. Сепан Серген кугу кермыч портшо тений тулыкеш кодо. Изирак ўдыржо ачажым тоен коден, аважым налын - ешыж дене олаш илаш куснен. Мом ыштет: йоча-влак изи улыт, врач кўлеш лиеш гынат, ни лекташ, ни пураш огеш лий. Шортат да кает. Агавин портшат яра шинча: эрге - шешке Шернурыш илаш кусненыт, а тышке кенежлан пакча корго шындаш веле коштыт. Умбакыже Улин кок этажан чапле полатше коеш. Тыштат ик илыше енат уке. Пошкудыжо Марья ден Гранчук коленытат, суртышт пытен. Тыге порт почеш порт – чыла яра. Вес уремыштат куд порт гыч кумытышто веле илат – молыжо яра шинча. Ялна пытен шуын, шып шинча: ни йоча кычкырлыме, ни кутырен-воштылмо йўк, ни вольык ломыжмо огеш шокто.
Идалыклан ик гана гына ял калык дене темеш: урем мучко машина-влак койыт, ен-влак кутырен-воштылын ошкылыт, муро йўкат шокта, йоча-влак куршталыт.Тиде - Илян кече шуын. Кон родо - тукымжо, ача - аваже верысе шўгарыште кият – чылан тушко вашкат. Шке лишыл еныштым уштен пошкудыштымат шарналташ огыт мондо. Кунам да кушто шукертсек уждымо еным ужын кертат? Чынак, кокымшо августыштак веле. Родо тукымыштым уштен торлатымек, монган-монгышкышт тўшкан-тўшкан ошкылыт, вес Илян кечылан толаш сорат.
Ялна тиде кечын ала калык дене теммылан, ала весела йўк-йуанлан куанышыла коеш. Ушаныме шуэш – ялем огеш пыте, илаш да тўзланаш тўналеш, но шонымем кавасе пылла шула. Ала-молан, ала-молан…