#Центральная_библиотека@bibl_sernur

#Центральная_библиотека@bibl_sernur
#Сектор_краеведения_ЦБ@bibl_sernurШернур район - талант памаш. Марисола кундем сылнымут да сем аланыш шуко шочшыжо-влакым шогалтен, юзо вийым пуэн.
Таче Ким Васин лÿмеш Шернур книгагудышто Нина Дмитриевна Лепёшкинан «Ший сескем» книгажын презентацийже эртен. Поро кумылан, усталык шÿлышан ÿдырамаш 21 ий Марисола книгагудышто уло шÿм-чонжым почын пашам виктарен шоген. Кызыт Нина Дмитриевна сулен налме канышыште.Показать ещё Калык коклаште жапым эртараш моткоч кумылан. Илыш корныжо, шкенжын шонен коштмыжо, шÿм гыч лекше мут йолва-влак почеламут корныш возыт. Тиде сылнымут корнылаште шочмо ялже тудлан чынжымак пеш лишыл. Ава нерген чон поро мут-влак лектыт, йöратымаш темымат мут йолва-влак корныжым вÿчкат. Чыла возымыжым, илышыжым иктешлен тыгай корно-влак лектыт:
… Толынам ялышкем унала,
Шум-чонем молан тышке конда?
Йоча жап шарналтеш, пошкудат,
Тошкемнасе ломбер, куэрат...
Нина Дмитриевналан таум каласена, тыланена сылнымут аланыште волгыдо корным, уста сеҥымашым, почеламут корныжо куштылгын возалтын шогышт.