‍Марафон наших Сернурских парней

‍Марафон наших Сернурских парней

7 сентябрьыште Санкт-Петербургышто «Пушкин-Петербург» марафон да ты жапыштак Российын кубокшо верч таҥасымаш марафон эртеныт.
Марий Эл Шернур кундем гыч Алексей Ахтямов вийжым терген да кубок верч таҥасымаште 6-шо верыш лектын.

Марий рвезе шочмо кундемысе мотор вер-шӧрыштӧ Андрей изаж дене кеч-могай игечыште куржталаш жапым муашак тырша.
Таче кечын таҥасымаш шукыж годым асфальтыште эрта, но нунылан садак ялысе пӱртӱсыштӧ, кумда пасушто, олыклаште, тыглай мланде дене куржталаш келша. «Тушто мландыжат, корныжат пушкыдырак, южшат яндаррак, капкыл кана. Адакшым шонаш сай. Шкеже куржат, куржат, а вуйышто тӱрлыжат пӧрдеш: мом ыштенат, мом ыштышаш улат... Нигӧ, кайык муро деч посна нимогай уто йўк ок мешае», – манеш Алексей. «Пушкин-Петербург» марафон 1923 ий гыч эртаралтеш.

Тений тудо Сеҥымашлан 80 ий теммылан пӧлеклалтын.
Спортсмен-влаклан 42,2 километрыш, тыгак 30, 10, 5 километрыште вийым тергаш йӧн пуалтын.

Старт кушеч пуалтме верым видеошто ончаш лиеш.

Елена Эшкинина ден Алексей Ахтямовын фото ден видеошт.